Kohima nungi nisung 3661 pei talidaki yokogo

Kohima, Monupii/May 11, 2020 (TYO): State telungtet nung pei pei talidaki moteti alirtem senzüsembongtsü asoshi sorkar ajanga melaba/lapoktsür sülen anogo pungobuba – Hombarnü (11.05.2020), Kohima nungi district balalai aotsü atema pei pei talidaki moteti alir nisung 956 shi bus 33 nung ayamesoa ogo, ta sangdong ka ajanga metetdaktsü.
Bus 33 rongnung, bus 13 Mon District, bus 11 Tuensang District aser bus 9 Kiphire District temi ayamesoa ao.
Tang tashi, Kohima District Administration-i anogo pungo tsüngda nung, pei pei talidaki moteti alirtem parnok nisung 3661 shi anepalua aser achayanga pei pei talidak district aser state balalai yokogo. Iba den külemi Kohima nungi tanga district aser kidanger state temi passenger tem yoktsü atema, KDA-i bus ajak agi 125 anepalua yokogo, ta kasa sangdong ajanga metetdaktsü.