Kohima Old Age Home küm 10 abensaogo

MLA Dr. Neiphrezo Keditsu kinüngtsü Vimenuo Keditsu den tangartem Old Age Home sentong nung ken atendang agiba noksa.

Kohima, August 1 (TYO) : Honibarnü New High Court Meriema nung Kohima Old Age Home lapoker küm 10 ajungba sentong agi.
Iba Home ya August 1, 2005 nü Good Samaritan Women Society ajanga lapok.
Tanü küm 10 ajungba nüngtem nung sentong agidang NSMDC Ltd Chairman, MLA Dr. Neiphrezo Keditsu kinüngtsü Vimenuo Keditsu tongti tesemdanger liasü.
Vimenuo-i o jembidang, tantsütambutem yaritsü nükjidong nung Old Age Home lapokba atema pelaba ashi aser laisa iba Home lapoker nem tenüngsang agütsü.
Vimenuo-isa Old Age Home osangkaket tanabuba “Into the Sunset with Dignity” sayatsü.
Sentong nung Old Age Home advisor, Vizonyii Theiinuo aser OAH founder & managing director, Neithonuo T. Liegise natia o jembi.
Tanü agiba sentong nung OAH advisor Kevinourheno Seyie menden liasü, pastor Mhasiselie-i tesentepertem pela agizük aser GSWC joint secretary Kevitsono Shiiya-i anküp tepela o jembi.