Kohima Police aser Excise ketdangsertemi ganja seret 426 apu

Dimapur, May 14 (TYO) : May 13, 2016 nü Kohima Police-i Khuzama nung aliba inter-state check gate nung garitem mita reprangdang gari ana nungi ganja seret 286 bena aliba apu.
Maruti Gypsy (NL-01C-3579) aser Maruti Wagon-R (WB12B-2403) gari ana nung sen lakh 14,30,000 shi alangba ganja bena liasü, ta Sub-Divisional Police Officer (South) & PRO, Kohima-i sangdong ka nung metetdaktsü.
Iba dak sendakba nung nisung 3 pua lir aser parnokji, Manipur kübok Phuba Khuman yimer Gideon Vemai, Phaibung Khullen yimer Th Bismark aser Phaibung Khullen yimer Khyavei nungertem lir ta jangjaogo. Par asem anema Khuzama P.S nung ken o ka benogo ta Kohima Police sangdong nungsa shia lir.
Ano,May 12 nü Peducha check gate nung Kohima Excise ketdangsertemi Santro Xing (NL0C 0425) gari nungi ganja seret 140 bena aliba apu.
Excise department sangdong ka nung ashiba agi, parnoki gariji arishia orr Piphema anasa apu.
Iba gari ya Zhrapau Poumai-i anir liasü aser NDPS Act 1985 anema inyakba atema pa aitsüogo, ta Excise department-isa metetdaktsü.