Kohima Police-i auyaba gari 4 angu

Dimapur, October 17 (TYO) : October 16, 2015 nü Kohima police-i Kohima jila nung Tata Sumo gari ka angu. Iba gari ya Lakhimpur, Assam kübok North Lakhimpur PS nung samaba ken o benoka lir.
Gari anguba osangji North Lakhimpur P.S nung officer-in-charge dang sangoktsüogo aser parnoki gari indang kulikaket teperi bener arua Kohima Police ket nungi agitsü shiogo.
Tata Sumo gari indang registration number ji NL02T-1513 ta zülua liasü saka shitakba number ji AS12AC-1236 liasü ta samaba ken o nung züluoka lir.
Ano, October 10 nü Peducha police check gate nung garitem mita reprangdang Mahindra Bolero (NL-07C-3597) gari ka apu. Shitakba agibo NL-07C-3597 ji DTO Dimapur-i Maruti Omni Van ka nem agüja lir.
Iba gari indang jangjatsü atema NCRB database nung reprangdangdang gari ji 2014 küm Assam nung samaba liasü ta ngutet. Iba dak sendakba nung Guwahati, Assam kübok Basistha P.S nung ken o ka benoka lir,
Iba dak sendakba nung gari anisang puogo aser paji 5th Mile, Dimapur nungi Kayeto Aye ta jangjaogo. Anosa, Basistha P.S nung officer-in-charge dangi iba osang yokogo aser parnoki kulikaket teperi bener arua Kohima Police ket nungi gari agizüktsü shiogo
Ano, October 9, 2-15 nü Phesama check gate nung Kohima police-i garitem mita reprangdang Bolero Pick-Up gari ka apu.
Police-i gari nung mena alirtem dang nungi gari indang kulikakettem meshi saka parnoki magütsütet. Iba yongji par asem Aminuel Islam (Barpeta, Assam), Irengban Sonand Singh (Imphal West, Manipur) aser W. Surjit Singh (Thoubal, Manipur) nungertem apu.
Iba dak sendakba nung Kohima South P.S nungken o ka benokogo.
Anosa, October 10, 2015 nü Kohima police-i Khuzama interstate police check nung Bolero (NL01C-9123) gari ka apu.
Gari anisangi kulikaket magütsütetba agi osang tejangja bushitepdang DTO Kohima-i registration number NL01C-9123ji Bolero tanga ka nem agüja aliba bushitet, ta Atu Zumvü, NPS-i sangdong ka ajanga metetdaktsü.