Kohima Police-i auyaba gari ka nguogo

Kohima, August 13 (TYO): Kohima kübok Phesama check-gate nung duty nokdakba Kohima police-i auyaba gari ka Mongolbar nü ngutetogo, ta Sub-Divisional Police Officer & PRO, Kohima, Atu Zumvü NPS-i tanü sangdong ka ajanga metetdaktsüogo.
Phesama check-gate nung duty nokdaker police temi tan Mongolbar nikongdang 2:00 ako meta auyaba gari ta temulung melemi gari sentsü temesüng, Bolero (SLX) ji anendaktsü.
Tesülen, parnoki Registration No. NL-03-5115 aketba gariji mita reprangshidang gari den sentakba osang smart card nung aliba aser gari nung ajenokba chassis aser engine tezüluba naji meputepi aliba bushitet.
Iba dak sentakba nung police-i Kohima South Police Station nung Case No. 0091/2015 U/S 379/468/472/474/482 IPC benokba sülen tang bushisüngdangtsü tenzüka lir.