Kohima police-i bike auyar 2 apu

Kohima, Luroi/August 24 (TYO): Kohima nung Mezhur Higher Secondary School tesem nungi Royal Enfield bike B/R. No. NL02-6124 auyaba osang ka liasü, aser Luroi/August 24, 2018 anepongi Kohima Police-i Peducha police check gate nung iba bike ji apu, ta tanü Addl. Superintendent of Police & PRO Kohima-i sangdong ka nung metetdaktsü.
Iba dak sendakba nung nisung ana apu, aser tenaji- PO/PS/Dist- Tuensang kübok Pang yim nungi T. Mongloa’er jabaso arishi küm 26, Pushe Pang aser PS- Longkhim, Dist- Tuensang kübok Chimonger yim nungi Chonyimong’er jabaso arishi küm 28, Yuhson na liasü ta jangjaogo, ta kasa sangdong ajanga metetdaktsü.