Kohima Police-i district nung ozüng alema inyakertem apu

Kohima, Yimpoksüi/November 26 (TYO): 24/11/18 anepdang züngia 00:40 ako nung Kohima Police Mobile Unit-i garitem mita reprangba mapang nung Theja Petrol Pump (Kiruphema village) anasa Maruti Suzuki Ecco, Registration No. NL01/H-2079 gari nung nisung ana ket nungi ganja seret 170 shi apu, ta tanü PRO Kohima, Nagaland-i sangdong ka ajanga metetdaktsü.
Police-i apuba nisung anaji Phek district kübok Thetsumi yim nungi Avolü aser gari anisangji-a kasa yim nungi Veriku Doulo liasü; iba dak sendakba nung Kohima Sechu Zubza PS nung ken o ka benokogo, ta kasa sangdong nung shia lir.
Ano 24/11/18 nü 00:30 ako meta Peducha Check gate anüker Kohima police-i gari mita reprangba mapang nung Registration No. NL 08A-2368 gari mita reprangdang Pezatuo Rupre-o (50) aser Kevi Rupre-o (30) na ket nungi IMFL yi case 40 apu; iba dak sendakba nung asüngdangyatsü atema tena apuba sülen asüngdangyadang tenati ozüng alema IMFL shibelenba nangzük; iba dak sendakba nung Non-FIR case ka benok aser maneni legal mera agitsü atema Megistrate/SDO (c) Sechu Zubza ket nung agutsü, ta kasa sangdong nung shia lir.