Kohima police-i gangja shibelener 2 apu

ImgsKohima, March 03 (TYO): Kohima kübok Peducha check gate nung duty nokdaker Kohima police ketdangsertemi Maruti Alto gari ka nung temseptsü ganja seret 80 taret bena aliba puteta nisung 2 apuba osang Atu Zumvü, NPS, Sub-Divisional Police Officer & PRO, Kohima, Nagaland-i sangdong ka ajanga metetdaktsüogo.
Tan apuba nisung 2-ji Manipur kübok Senapati district nung alir arishi küm 19 tain Manikho Adarhü aser arishi küm 19 tain Kholi Asholi na aliba osang jangjaogo.
Police-i tan apuba nisung ana anema ozüng alema temeseptsü gangja abenba aser kasaji shibelenba ken o okadak benokba sülen tena den sentakba bushisüngdang tenzüka lir.

You must be logged in to post a comment Login