Kohima Police-i ganja seret 100 apu

Kohima, October 19 (TYO): October 18, 2017 aongnung 8:23 ako meta Phesama check gate anüker Kohima Police-i Guwahati lenia aoba passenger gari, (Bus) B/R No. MN-01-1664 mita reprangdang nisung ka ket nung ganja seret 100 apu, ta tanü Sub-Divisional Police Officer & PRO Kohima, Nagaland, Atu Zumvü, NPS-i sangdong ka nung metetdaktsü.
Tang pua alisangji Assam, Naogaon district kübok Chaharia yim nungi Gaus Uddin’er jabaso arishi küm 23, Sabjul Haque lir, ta jangjaogo.
Iba dak sendakba nung maneni bushisüngdangtsü atema pa anema Kohima South Police Station nung ken o ka benokogo, ta kasa sangdong nung shia lir.