Kohima police-i ganja seret 180 apu

Dimapur, February 3 (TYO) : February 3, 2016 nü DEF Kohima nung District Intelligence Branch (D.I.B)-i Pfuchama yim anasa garitem mita reprangdang Mahindra Bolero gari ka nung ganja seret 180 bena aliba apu.

Mahindra Bolero (B/R No. NL-06-2791) gari nung ganjaji taseptsü 18 nung kanga junga sepbanger bena liasü aser iba dak sendakba nung nisung ana apu, ta Sub – Divisional Police Officer & PRO Kohima-i sangdong ka nung metetdaktsü.

Tenaji Manipur kübok Tadubi Disrict nungi Siba Makho’er jabaso Pavei Makho aser Joseph S’er jabaso Winner J na ta jangjaogo. Tenaprongla police ket nung yua lir.

Iba dak sendakba nung Khuzama P.S nung NDPS Act kübok ken o ka benokogo aser maneni bushisüngdang südar, ta Kohima Police sangdong nungsa shia lir.