Kohima Police-i ganja seret 30 den tetsür ka apu

Kohima, Mongputeni/Oct. 07 (TYO): Mongputeni/Oct. 5 nü Khuzama Police Inter-State Check Gate anüker Kohima police-i garitem mita reprangba mapang nung Maruti Alto gari registration No. NL07H 4166 nungi ganja seret 30 puogo, ta Addl. Superintendent of Police & PRO Kohima-i sangdong ka ajanga metetdaktsü.
Ganja shibelenba atema gari nungji mena alir ka apu, aser laji Vill- Saranamai, Dist- Senapati, Manipur nungi asür, A Tizu kinüngtsü, arishi küm 36, Sarah Heni lir, ta jangjaogo; iba dak sendakba ken o maneni bushisüngdangtsü atema ken o ka benokogo, ta kasa sangdong ajanga metetdaktsü.

You must be logged in to post a comment Login