Kohima police-i ganja seret 300 apu

Dimapur, September 16 (TYO) : September 16, 2015 nü Kohima police-i Peducha check gate nung garitem mita reprangdang truck gari ka nung ganja bena aliba apu.
Truck gari (No. NL-07A-4359) nung ganja taseptsü 16 nung seret 3000 bena liasü aser national market ganja indang jenjangji sen lakh 15 shi alang liasü, ta Sub-Divisional Police Officer & PRO Kohima-i sangdong ka nung metetdaktsü.
Iba dak sendakba nung Siddique Ali ta ser nisung ka apu aser pa ya Golaghat (Assam) nungi Minur Ali’er jabaso lir ta jangjaogo. Pa ya Burma Camp, Dimapur nung telidak lir aser Sechü (Zubza) P.S nung pa anema ken o ka benokogo, ta Kohima Police-isa metetdaktsü.