Kohima Police-i gari 2 apu

Dimapur, December 9 (TYO) : December 9, 2015 nü Kohima police-i Phesama check gate nung truck (B/R No. AS-21-9301) gari ka apu.

Police-i gari soter mita reprangdang driver-i gari indang kulikaket magütsütet. Police-i Transport Vahan Database nung reprangdangdang gari nung aliba chassis number meshitaki aliba putet. Iba gari driver ji Angom Mangijao Singh ta jangjaogo, ta Sub-Divisional Police Officer & PRO Kohima-i sangdong ka nung metetdaktsü.

Pa ya West Imphal, Manipur kübok A. Body Singh’er jabaso aser Kohima South PS nung pa anema ken o ka benokogo.

December 8, 2015 nunga Phesama check gate nung Kohima Police-i Tata Mobile (B/R No. NL-01A-6038) gari ka apu.

Iba gari nung ajenoka aliba chassis number ji Transport Vahan Database den meputep liasü aser iba dak sendakba nung gari driver Kolo Chalai puogo, ta sangdong nungsa shia lir.

Pa ya Senapati, Manipur kübok Ashiho’er jabaso ta jangjaogo aser Kohima South P.S nung pa anema ken o ka benokogo, ta Kohima police-isa metetdaktsü.