Kohima Police-i gari 2 sota lir; ATM card ka angu

Dimapur, October 7 (TYO): October 6, 2015 nü Kohima police-i Khuzama interstate check gate nung garitem mita reprangba mapang temulung melemi Bolero gari ana anendakja liasü.
Gari ana (B/R No. AS-01BB-2587 aser MN-01X-1859) jungjunga tendanga aser gari kakettem reprangdangdang Bolero B/R MN-01X-1859 indang Engine aser Chassis no. nung teka yir aliba putet.
Ano Bolero B/R AS-01BB-2587 indang gari kaket tejangja maliasü, ta Sub-Divisional Police Officer & PRO, Kohima-i sangdong ka nung metetdaktsü.
Iba dak sendakba nung gari anisang ana, Anil Kumar Gupta aser Khrishna Sah na police-i puogo aser Khuzama P.S nung ken o ka benokogo, ta Kohima police-isa ashi.
Kohima police sangdong nungsa ashiba agi, Science College Jotsoma indang Silver SBI ATM card ka October 7, 2015 nü traffic ketdangsertemi nguteta lir, anungji kiburi SDPO Kohima office nung arua ATM card ji agizüktsü akok.