Kohima police-i gari senzüsenpongtsü/anentsü tetuyuba agütsür

Dimapur, Tsüklai/February 20 (TYO): 13buba Nagaland Legislative Assembly 3buba senden koba February 21, 22, 23 aser 25 aser 26 nü akatsü lir iba dak sendakba nung security arrangement nung shilem ka ama gari senzüsenpongtsüba tetuyuba kar yamai agütsür.
Tsünglanglen agüja aliba car pass keta aliba garitem dang Assembly Secretariat-i idaktsütsü
‘A’ (Green background nung ojang temesüng) – Legislators tem atema
‘B’ (Blue background den ojang temesüng) – AHoDs/HoDs atema ‘Assembly Logo’ – Assembly Staff atema
‘LH’ (Brown Background den ojang temesüng) – Police Personnel aser P.S/P.A atema
‘O’ (Pink Background den ojang tanak) – IPR/Media aser tanga Department atema
‘ON ASSEMBLY DUTY’ (Yellow background den ojang temerem) –Staff Bus/Pool & Dak Vehicles atema
Anepdang 6:00 ako nungi tenzüka two wheeler dena gari kecha item anogo tem nung senden matem tashi tsünglanglen agüja aliba tesemtem lenmang tezülen anena meyudaktsütsü.
BSNL Telephone Exchange nungi Classic Island.
Raj Bhavan nungi M.S Classic Island.
Classic Island nungi Assembly Secretariat via Razhü Point.
Assembly Session mapang anepdang 6:00 nungi senden matem tashi gari tulu kecha mesenzüdaktsütsü. Assembly Session mapang anepdang 6;00 ako tashi nungbo Kohima jila nung khu belenzükba tembangtsüla. Nüburtemi iba tetuyuba sülen anidaktsü imlaba den police temi tetuyuba agütsüba ama manenba garitem anintsü aser gari kibur nem senchi agütsüdaktsütsü, ta PRO, DEF Kohima sangdong ka ajanga metetdaktsü.