Kohima Police-i heroin apu

Dimapur, September 16 (TYO) : September 15, 2016 nü Kohima police-i Khuzama interstate check gate nung garitem mita reprangdang Guwahati-i aoba Manipur truck gari ka nung heroine gram 12 bena aliba putet.
Truck (No. MN01-8631) gari nung heroine ji polythene-i alepbanger sapon asepba pongdang ka nung miima bena liasü. Iba dak sendakba nung arishi küm 54 tain Shaherzaman ta ser nisung ka apu, ta Sub-Divisional Police Officer (South) & PRO
Kohima-i sangdong ka nung metetdaktsü.
Shaherzaman ya Bishnupur, Manipur nungi asür Nasir Ali’er jabaso lir aser Khuzama P.S nung pa anema ken o ka benokogo.
Pai Imphal nung heroine gram 12 ji sen 17,000 agi alizük aser Guwahati nung sen 35,000 yong yokdoktsü liasü ta police tsüngdang nangzük, ta Kohima Police sangdong nungsa metetdaktsü.