Kohima Police-i Heroin seret 1½ apu

Kohima, February 11 (TYO): February 11, 2017 nikongdang 1:00 ako meta Phesama check gate anüker Kohima police-i gari mita reprangdang nisung ka ket nungi brown heroin seret 1½ (ka ser tesadang) shi puogo, ta tanü Sub- Divisional Police Officer (South) & PRO Kohima, Nagaland, Atu Zumvü NPS-i sangdong ka ajanga metetdaktsü.
Tang pua alisangji Madhya Pradesh, Rajgarh district kübok Khuru yim nungi Mangilal’er jabaso arishi küm 36, Kailash Dangi liasü, ta jangjaogo.
Heroin ji envelope ka nung seper airbag ka nung miima bener liasü.
Iba nisungbaji Imphal nungi Dimapur-i commercial gari (Tata Winger) registration No. MN01X-9306 nung arudang apu, aser iba heroin ji Kanpur bus stand nung nisung ka nem agütsütsü liasü ta asüngdangyadang ashi.
Iba dak sentakba nung pa anema Kohima South P.S nung ken o ka benokogo aser maneni bushisüngdangdar, ta kasa sangdong nung shia lir.