Kohima police-i ILP malir 25 apu

Kohima, Luroi/August 23 (TYO): Kohima Police-i ILP mita reprangba mapang nung Kohima district kübok tesem balala nung ILP malir nisung 25 puogo; iba sülen legal inyakyim ajak inyaker meyipa yok, ta Addl. Superintendent of Police & PRO Kohima, Nagaland-i sangdong ka nung metetdaktsü.
Ano tanga tatalokba ka nung, Kohima Police Mobile Unit-i 10 Mile, Zhadima nung IMFL yi case 16 apu, aser iba dak sendakba nung nisung ana pua 44 NLTP Act kübok ken o benok aser pua alirtemji court ket nung agutsü, ta sangdong nungsa shia lir.