Kohima Police-i ILP malir nisung 26 apu

Dimapur, Luroi/August 04 (TYO): 31/07/2018 nü 12:00 ako nung Peducha police check gate anüker Kohima police temi gari mita reprangba mapang nung Inner Line Permit (ILP) maliba atema Tata Winger ana nung mena alir nisung 26 puogo, aser iba dak sendakba nung U/S 3 BEFR Act kübok ken o ka benoka court ket nung agutsüogo, ta Addl. Superintendent of Police & PRO Kohima, Nagaland-i sangdong ka nung metetdaktsü.
02/08/2018 nikongdang 6:50 ako meta Kohima Police-i Khuzama Village nung garitem mita reprangba mapang nung Maruti 800 gari B/R No. NL01C-9884 nung beer pongdang 204 aser Mc. Dowell’s Rum pongdang 82 bena aliba apu, aser gari nung mena alir ana- arishi küm 40, Elizabeth aser Ch Amol (25) na apu, ta kasa sangdong nung shia lir.
Kasa anogo nungsa Maruti Alto gari B/R. No. MN06L-7492 nung beer pongdang 90, Rum pongdang 71 aser Vodka pongdang 48 apu, aser iba dak sendakba nung arishi küm 29, Ester aser gari anisang Bijoy Subha (38) na apu. Maneni bushisüngdangtsü atema NLPT Act kübok ken o benokogo, ta kasa sangdong ajanga metetdaktsü.