Kohima Police-i K.C.P telungpur ana apu

Dimapur, July 21 (Agencies) : Kohima SDPO (North) aser O.C South P.S nungi Wb. Puzoto Khatso-i anir Phesama New Reserve tesem nung mita aoba mapang Soibam Leikai, Khanglabungleirak, PS- Porompat, Manipur nungi W. Momocha Meitei’er jabaso arishi küm 39 tain, Wangkheirakpam Suresh Meitei aser Keishampat Jailor Leirak, Manipur nungi S. Parijat Singh’er jabaso arishi küm 34 tain Sougrakpam Nelson Singh na apu, ta Kohima Superintendent of Police-i sangdong ka ajanga metetdaktsü.
Wangkheirakpam Suresh Meitei ya PREPAK  nung züngsem liasü saka Manipur Police-i 2006 küm apu. Pa tepuokdak nungi chiokli ano K.C.P nung züngsem küma iba telok nung tanishir jenjang tongogo aser pa ken o aika dak sentakba nung Manipur police-ia tang tebushidak lir.
Ano Sougrakpam Nelson Singh-a PREPAK nung züngsem ka liasü aser pa-a 2006 küm police-i apuba 2007 küm chiok. Iba sülen pa K.C.P telok nung dener tang tashi yangji züngsem ka lia Kohima police-i apu, ta tena dang asüngdangyaba mapang jangjaogo.
Tena apuba osang Manipur nem metetdaktsüba sülen tena par state nem bendanga agütsüogo, ta kasa sangdong ajangasa ashi.