Kohima Police-i metetdaktsür

Dimapur, August 31 (TYO) : September 1, 2015 anepdang 9:30 ako nungi Kohima Village Council-i anir Government High School Jn. nungi Chief minister’er ki tashi yimdong sema senzütsü sentong ka agitsü ayongzüka lir. Anungji anepdang 9:30 ako nungi tenzüka sentong matem tashi kodamasü timtem kar melira Kohima jila nung nisungtem mesenzütsü mepishir ta Sr. Superintendent of Police, Kohima, Joseph Hesso, NPS-i sangdong ka nung metetdaktsü.

KVC-i ayongzükba sentong tiptema agitettsü aser ano public tem ajungben lendongtsüdong nungi kümzüka alitsü nükjidong nung iba tetuyuba agütsür, ta Sr. Superintendent of Police, Kohima-isa metetdaktsü.