Kohima Police-i nisung ka kümzük

Dimapur, October 3 (TYO) : Nisung kari Manipur-i aoba truck gari driver ka pur New Secretariat area, Kohima tesem nung lir ta October 2, 2016 nü osang tejangja ka angashi, ta Sr. Superintendent of Police, Kohima, Joseph Hesso, IPS-i sangdong ka nung metetdaktsü.
Nisung apurtem jagi pa chioktsü atema sen lakh 10 meshir ta osang angashi aser iba nung ajemdaker North P.S nungi police temi pua alisang kümzüktsü atema bushitep tenzük.
Iba mapang Thizama anasa nisung pur asem aliba tsüngsü bushitet aser police-i parnok aputsü aodang nisung ka apu, saka anabo jena otet, ta Kohima Police sangdong nung shia lir
Iba nisungji Phek kübok Zapami yimer Welonyi Wetsah’er jabaso Leut. Kewepe Wetsah FGN lir ta jangjaogo.
Iba dak sendakba nung Kohima North P.S nung ken o ka benokogo aser jena aoertem aputsü atema bushitepdar, ta sangdong nungsa metetdaktsü.