Kohima police-i Opium sen crore 1 shi alang apu

Dimapur, Rongjui/September 20 (TYO): Rongjui/Sept 19 nü 10:30 shi nung Khuzama inter-state check gate nung Kohima Police-i gari tem sota bushisüngdangba mapang registration number MN-06LA-4868 (Maruti Swift Dzire) keter aliba gari ka nung opium seret 8 bener lia ngutet. Parnokisa .32 Pistol ka den injang 18 ngutet. Iba sülen PO/PS-Heiyang, Dits- Imphal East, Manipur kübok Laipham Khunau yimtsüng nungi Naorem Indrajit Meitei’er jabaso, Gari kibur aser anisang Naorem Suraj Meitei (küm 57) apu. Ozüng alema benshiba temesepba mozü ya seret kaka temsar alepa bener liasü, koba gari telung nung mima aliba police-i ngutet.
Iba dak sendakba nung U/S 20(b)(ii)(B) NDPS Act r/w Sec. 30 Arms Act kübok maneni bushisüngdangtsü atema aija alisang anema ken o ka benokogo.
Tanga tatalokba ka nung Rongjui/Sept 20 nü 9:00 ako shi nung Khuzama inter-state check gate nung Kohima Police-isa registration number MN-05A-8405 (Mahindra Bolero) keter aliba tanga gari ka bushisüngdangba mapang opium seret 5 bener lia ngutet. Iba dak sendakba nung nisung pezü puogo. Aija alir parnok pezü ya PO/PS- Kangpokpi, Dist- Senapati, Manipur kübok L. Thomjang yimtsüng nungi Hemlun Guite-i jabaso Letkholal Guite, PO/PS/Dist- Churachandpur, Manipur kübok Vengnuam New Lamka V Munhoih yimtsüng nung Hemlun’er jabaso G. Seikhohao, PO/PS/Dist- Churachandpur, Manipur kübok Tollen yimtsüng nungi Janghem’er jala Neijahat aser PO/PS/Dist- Churachandpur, Manipur kübok Tuiboung yimtsüng nungi Yaima Singh’er jala Lhaineikim Haokip ta jangjaogo.
Temesepba mozütem ya seret kaka temsar talep pongu nung bener lia police-i ngutet.
Iba dak sendakba nung U/S 20(b)(ii)(B) NDPS Act kübok aija alirtem anema ken o ka benokogo.
Police temi apuba temesepba mozü ya international market nung sen crore 1 alang asütsü, ta Addl. Superintendent of Police & PRO sangdong ka ajanga metetdaktsü.