Kohima Police-i opium seret 4 apu

opiumDimapur, June 29 (TYO) : June 29, 2016 nü Kohima police-i Khuzama check gate nung garitem mita reprangdang passenger taxi ka nung opium seret 4 bena aliba putet.
Taxi (NL-01T-8857) nung mena alir nisung ka ket nung opium bena aliba apu aser paji Sadar Hill, Manipur nung Aseh Mizo’er jabaso Lalsat Mizo ta jangjaogo, ta Sub-Divisional Police Officer (South) & PRO Kohima-i sangdong ka nung metetdaktsü.
Opium ji everyday milk packet 4 nung jung sepbanger bena liasü aser iba dak sendakba nung Khuzama P.S nung ken o ka benokogo, ta Kohima Police-isa metetdaktsü.

You must be logged in to post a comment Login