Kohima Police-i opium seret 9.5 apu

Kohima, April 16 (TYO): Deobarnü Nagaland-Manipur arrtsülen Khuzama nung aliba Inter-state Police Check Gate anüker Kohima police-i crude opium seret 9.5 puogo aser iba dak sentakba nung nisung ka puogo, ta police-i metetdaktsü.
Opium ji inverter box telung nung miima bena liasü aser iba dak sentakba nung Mantripukhri, Imphal district, Manipur nung tang telidak nisung ka- Bihar, Begusarai district kübok Barauni yim nungi Kalicharan Das’er jabaso, arishi küm 52 tain, Raj Kumar Das puogo, ta parnokisa ashi.
Tai tonglokja alisangji passenger gari ka nung Imphal nungi Dimapur leni aoer liasü, saka tanü nikongdang 1:30 meta Kohima Police-i gari sota mita reprangdang apu, ta police-isa ashi.
Police-i ashiba agi, iba mozü jagi heroin sa yanglur, aser ibaji International market nungbo sen crore aika jenjang lir.
Police-isa ashiba agi, tai tonglokja alisangji asüng okadaki anir aotsü aser maneni bushisüngdangtsü atema mechioktsü.