Kohima Police-i Peducha gate nung ganja seret 90 apu

Kohima, September 08 (TYO): Peducha check gate anüker Kohima Police temi garitem soter mita reprangba mapang nung Imphal nungi Guwahati-i aoba nija passenger bus- registration number MN01-2267 mita reprangdang ganja seret 90 puogo, ta Sub-Divisional Police Officer (South) & PRO Kohima, Nagaland, Atu Zumvü NPS-i sangdong ka ajanga metetdaktsü.
Iba ken o dak sendakba nung Manipur, Ukhrul district kübok Kachai yim nungi nisung ka tenüng agi, Mashungam Kashung puogo, aser Sechü (Zubza) P.S nung ken o ka benoka maneni bushisüngdangdar, ta sangdong nungsa shia lir.