Kohima Police-i Phensedyl pongdang 225 apu

Dimapur, August 1 (TYO) : Kohima police-i Khuzama inter-state check gate nung garitem mita reprangdang Manipur-i aoba bus gari ka nung Phensedyl mozü aika bena aliba apu.
August 1, 2015 anepdang 5:00 ako meta police bus gari (B/R No. MN-01-1445) mita reprangdang Phensedy aket mozü pongdang 225 bena aliba apu aser iba dak sendakba nung tetsür ana apu.
Tenaprongji West Bengal kübok Guria yimer lir aser ka Selvan kinüngtsü Puspa Devi (Susila) aser ka Samugham kinüngtsü Sundari na lir ta jangjaogo, ta Sub-Divisional Police Officer & PRO Kohima-i sangdong ka nung metetdaktsü.
Iba dak sendakba nung Khuzama P.S nung ken o ka benokogo aser maneni bushisüngdang südar, ta Kohima police sangdong nungsa shia lir.