Kohima Police-i rakzükrakdemer ka apu

Dimapur, Mongputeni/October 16 (TYO): Mobile phone No. 8415950894/ 6009566801 ajanga Kohima aser temeket nung rakzükrakdemba dak sendakba nung Kohima Police-i October 16 nü 2:35 shi nung Kezieke Colony nung Zhavame yimtsüng nungi asür Thekho Krocha’er jabaso Jacob Krocha puogo. Ken o ashishiba sülen aija alisang ya NSCN (Khango) nung SS. Tatar ka lir ta jangjaa aküm.
Aija alisang ya Kohima jila aser temeket nung aliba business establishments, contractors aser nija dang nungi ozüng alema rakzükrakdemba nung aiben densema aliba ngutetogo.
Iba dak sendakba nung U/S 384 IPC R/W 7 NSR R/W 13 UAP Act kübok Chiephobozou Police Station nung ken o ka benokogo aser bushitsüngdang tenzükogo, ta PRO, DEF, Kohima sangdong ka ajanga metetdaktsü.