Kohima Police-i sen lakh 26 alangba ganja apu

Dimapur, October 22 (TYO) : October 22, 2016 nü Kohima Police-i Peducha check gate mita reprangdang Oil tanker ka nung ganja seret 520 bena aliba apu.
Totzü abenba gari (NL-01G-8528) mita reprangdang ganjaji taseptsü 26 nung sepbanger miima bena liasü aser black market nung ganja indang jenjangji sen lakh 26 shi indang liasü, ta Sub-Divisional Police Officer (South) & PRO Kohima-i sangdong ka nung metetdaktsü.
Police-i gari driver Kumar Chhetri apu aser paji Imphal West, Manipur kübok Kanglatombi yimer Bahadur Chhetri’er jabaso ta jangjaogo, ta sangdong nungsa shia lir.
Iba dak sendakba nung Sechü (Zubza) P.S nung ken o ka benokogo aser maneni bushisüngdang südar, ta Kohima Police-isa ashi.