Kohima police-i temesepba mozü aika apu

Kohima, August 29 (TYO): August 29, 2017 anüngdang 11:30 ako meta Khuzama nung inter-state check gate anüker Kohima police-i Manipur leni aoba Tata Mobile B/R No. MN-01K-5730 soter mita reprangdang gari anisang ket nungjagi Ensedyl cough syrup pongdang 178 puogo, ta tanü Sub-Divisional Police Officer & PRO Kohima, Nagaland, Atu Zumvü-i sangdong ka ajanga metetdaktsü.
Gari anisangji Manipur, Ukhrul district kübok Somdal yim nungi Ningkhalem’er jabaso arishi küm 35, Wonchipen Rungsung lir ta jangjaogo.
Iba dak sendakba nung Khuzama Police Station nung pa anema ken o ka benokogo aser maneni bushisüngdangdar, ta sangdong nungsa shia lir.