Kohima Police-i truck gari 3 pua lir

Dimapur, October 31 (TYO) : October 29, 2015 nü Kohima nung Anti-Vehicle Theft Squad-i 2004 küm Assam nung samaba truck gari (NL-06A-1988) angu. Iba gari samaba ken o ya Basistha P.S nung benoka lir, ta Sub-Divisional Police Officer & PRO Kohima-i sangdong ka nung metetdaktsü.
Iba dak sendakba nung inter-state wireless transmission dang Basistha P.S dangi osang yokogo. Iba gari indang original registration number ji AS25A2795 lir, ta sangdong nungsa shia lir.
Ano, Kohima police-isa Khuzama interstate check gate nung garitem reprangdang truck gari ana (Shakitman & One tipper) apu.
Gari ana indang registration number ji AS-01Z-1575 aser NL-05D-8743 liasü aser driver temi kulikaket magütsütet. Iba jagi truck anaprong Khuzama Police Station ket nung yua lir, ta Kohima police sangdong nungsa metetdaktsü.