Kohima Police-i truck ka nung yi shibelener ana apu

Kohima, July 30 (TYO): July 30, 2015 anepdang 6:00 ako nung Khuzama Police Station dang osang ka ajanga, Phesama yimtsüng anasa aliba stone crusher ka nung truck ka nungi yi oshizükdagi ta metetdakja liasü, ta Sub – Divisional Police Officer & PRO Kohima, Nagaland, Atu Zumbü NPS-i sangong ka ajanga ashi.
Iba osang angzükba sülen Khuzama P.S sepaitem iba tesem jagi ao aser truck registration No. AS-01GC-0992, Chassis No. MAT457056F7A00044, Engine No. 497TC44PVY842878 nungi IMFL yi case 65 apu. Item yi rongnung MC Dowel Rum case 39, Officer Choice Blue case 4, MC Dowell Whisky case 3 aser Kingfisher Beer case 19 liasü.
Iba dak sentakba nung nisung ana tenüng agi – Assam, Karbi Anglong district, Dentaghat nungi truck anisang arishi küm 23 Raju Khaul aser Dimapur, Signal Bosti nung alir Amar Nath (24) na lir ta jangjaogo, aser tenaji yi abenba aser shibelenba ken o nung police-i puogo.
Iba dak sentakba nung tena anema Khuzama Police Station nung NLTP Act kübok ken o ka benokogo aser bushisüngdang maneni südagi, ta kasa sangdong ajanga metetdaktsü.