Kohima Police-i Tseminyu nung yi aika apu

Dimapur, October 4 (TYO) : October 3, 2016 nü Tseminyu Police Station nungi Kohima police-i patrolling senzüdang NH-2 nung gari ka anena aliba angu aser parnoki gariji reprangdangdang MC Rum bottle 720 bena aliba putet.
Iba dak sendakba nung nisung ka apu aser paji Phishumi yimer Khiboto Assumi ta jangjaogo aser pa ya Khushiabill, Dimapur nung telidak lir, ta Sub – Divisional Police Officer (South) & PRO Kohima-i sangdong ka nung metetdaktsü.
Police-i Khiboto dang asüngdangya asüdang, yiji Assam nungi Zunheboto-i bener aoba liasü ta nangzük saka Tseminyu kübok NH-2 nung gari raksar anena lia police-i angu, ta nangzük.
Iba dak sendakba nung Tseminyu P.S nung ken o ka benokogo aser maneni bushisüngdang südar, ta Kohima Police sangdong nungsa metetdaktsü.