Kohima Police-i yi aika angu; Nisung ka pua lir

Dimapur, June 20 (TYO) : June 20, 2016 nü Kohima police-i SKV Petrol pump, Kohima anasa ROP mapa inyakdang lenmang anasa yi aika yua aliba angu, ta Sub-Divisional Police Officer (South) & PRO, Kohima-i sangdong ka nung metetdaktsü.
Gari lenmang anasa yimtemji sü ka agi miimbanger liasü. Yitemji Foster beer 20 cases, Budweiser beer 18 cases aser Kingfisher beer 6 cases liasü.
Iba dak sendakba nung police-i nisung ka apu aser paji Khatkhati nungi Shankar Singh’er jabaso Roshan Kumar ta jangjaogo. Kohima South P.S nung pa anema ken o ka benokogo, ta Kohima police sangdong nung shia lir.