Kohima Police yi case 28 apu

Kohima, Yimpoksüi/November 20 (TYO): Yimpoksüi/Nov 16 nü Peducha check gate nung police temi garitem bushisüngdangba mapang Maruti Alto (Registration No. MN01W/-8108) ka nungi IMFL tapu balala case 28 puogo.
Ozüng alema yi belenshiba dak sendakba nung Manipur, Ukhrul district kübok Lamlai Khunou yimtsüng nungi Themeingam Jajo’er jabaso Thanmathing Jajo (24) aser Manipur, Ukhrul district kübok Shingkap yimtsüng nungi Paninshang Jajo’er jabaso Pamrushang Jajo (37) puogo. Iba dak sendakba nung Sechü (Zubza) PS nung (NON FIR PT IV Case No 06/18, U/S 44 (a)(e) NLTP Act) ken o ka benokogo aser maneni ken o bushisüngdangtsü asoshi tena Sechü (Zubza) PS nung yua lir, ta PRO sangdong ka ajanga metetdaktsü.