Kohima Press Club-i mangyimer

Kohima, May 22 (TYO): Kohima Press Club (KPC) tatong Tir, Atul Sarma kinüngtsü tetsü, Aikon Devi (arishi küm 72) Hombar anepdang Guwahati nung asüba osang angashia Kohima Press Club-i mangyimer, ta tanü KPC General Secretary, Alice Yhoshü-i sangdong ka nung metetdaktsü.
KPC züngsemtemi mangyimer kibong den asüko lemsatepba den külemi, ajak takoksang Tsüngremi iba ama mangyim mapang nung parnok nem tesünep agüjang, aser asür tanela anisüngzükdakjang ta sarasademtsür, ta kasa sangdong nungsa shia lir.