Kohima Press Club office tasen merüktet

Dimapur, August 8 (TYO) : Kohima Press Club (KPC) nem taoba KMC office, Old Secretariat, Kohima nung office lapoktsü atema tawa tu temelaba agütsü aser Honibarnü iba office merükteta among, ta KPC tongti tezülur Alice Yhoshü-i sangdong ka nung ashi.
Iba nübodoka mapa inyakba nung KPC züngsemtem den teyariteper ajak senteper nisung 47 liasü, ta laisa ashi.
Talisa iba mapa nung Home Commissioner Nagaland Neihu C Thur, Kohima Municipal Administrator Kovi Meyase aser par telok, Sievituo Solo lenisüba nung Core Team of Project 72 Hours (Community Service), Kohima Blues (Chelsea FC Fans) team aser temeimertemi arua yaritepba atema kanga pelar ta KPC tongti tezülurisa metetdaktsü.