Kohima Raj Bhavan Journal Portal lapok

Dimapur, Yimpoksüi (November) 17 (TYO): November 17, 2018 nü Governor PB Acharya-i pa indang official residence nung Kohima Raj Bhavan Journal Portal lapoktsüogo.
Iba portal ya NEPS Media Group ajanga yanglu aser parnoki dang ketdangsüa reprangtsü, ta Governor-i ashi.
Portal ajanga Governor-i inyakba maparen lemsatepba dang masü saka tangar nem osang agütsütsü. Journal nung Facebook account ka dena lir aser nisung mashii kati Governor aser Raj Bhavan dak sendakba osangtem metettsü akok, ta Acharya-isa metetdaktsü.
Sentong nung mendenji Kohima Press Club Secretary, Alice Yhoshü liasü, News Editor NEPS Okenjeet Sandham-i portal indang osang metetdaktsü aser Principal Secretary to Governor, Piyush Goyal, IAS-i portal indang tenüngdaktsü lemsatep.