Kohima Science College, Jotsoma nung Awareness Walk agi

Kohima, December 09 (TYO): December 9, 2019 nü Kohima Science College, Jotsoma nung Advisor Youth Resource & Sports, Er. Zale Neikha-i ‘Awareness Walk on the Constitution and Fundamental Duties’ tenzüktsü; North East NSS Festival dak sendakba nung North East tesem ajaklen nungi kaketshirtem aser NSS cadets-i awareness walk nungji shilem agiogo, ta ketdangsertem osang ka ajanga metetdaktsü.
Iba sentong ya Department of Youth Resources & Sports-i ayongzüka liasü.
Kaketshirtem den jembidang Er. Zale Neikha-i, “Tarutsü atema nenok ya tongtiret aser tarutsü lenirtem lir. Nisung ajak dak sempet aser experience lir aser ibaji jangjateta tajungba akümtsü merangtsüla,” ta ayongzük.
Paisa, asen loktiliba tamendakdak tashi itshitsü atema ajaki inyaktsüla, aser khuret metetba senso tajung kaka asütsüla, ta ayongzük.
Iba sentong nung Secretary, Justice & Law Department, Khanrinla T. Koza-i ketdangsüa linük temzüng kübok alitsü atema tenangzükba agidaktsü aser linük temzüng nung aliba Preamble aser Fundamental Duties zünga liasü.