Kohima SDO (C) ajanga metetdaktsür

Dimapur, March 17 (TYO) : Sub Divisional Officer (C) Sadar Kohima, Kethosituo Sekhose-i, Nagaland University Kohima Campus, Meriema nung University meküta aliba atsü raksaja yangji aliba süngdong tsünga arem rongtoktsüba den shikaria, party mungtepa aser temelaba meli-i atsü ayimba osang angashiogo, ta metetdaktsü.
Iba University ya shisatsü bushiba tesem ka lir aser iba reju nung shisaluyimertem asoshi yimjung aser tesünep nüngdaker. Anungji University campus telung nung nübur ajaki iba ama tim masüba mapa nung pila alitsüla aser aibelenertem ozüngi melaba ama merenshitsü, ta Kethosituo Sekhose-i iba sangdong ajanga metetdaktsür.