Kohima Smart City atema project 60 yanglu

Kohima, Feb. 14 (TYO): Kohima Municipal Council kübok Kohima Smart City Development Ltd (KSCDL) ajanga Kohima Smart City Project atema sen crore 1794.16 amshitsü asoshi project 60 dak tali yanglua lir. September 20, 2016 nung Kohima ya smart city atema shim aser Companies Act 2013 kübok March 24 , 2017 nung KSCDL amenok.
Centrally Sponsored Schemes nung ajemdaker Ministry of Information & Broadcasting kübok Press Information Bureau ajanga media workshop ka tanü ayongzüka agiba mapang KMC Administrator, Kovi Meyase-i iba osang ya metetdaktsü.
Pai ashiba agi, iba project ya Centre aser State sorkar tsüngda 50:50 lemdanger inyakba nung sen cr. 996.46, Convergence (central/state/others) atema cr. 197.71, debt (loan/bank/multilateral/bond) atema sen cr. 409.00, PPP atema sen cr. 190.99 lir.
Paisa ashiba agi, Union Ministry of Urban Development ajanga tang tashi nung sen crore 111 agütsüogo, aser sen crore 2 ya Kohima Smart City proposal atema jelia agütsü. Guidelines nung shia aliba agi, state-ia centre ajanga agütsüba den kasa (shilem 50) agütsütsüla. Administration aser Office Expenses fund atema state-ia sen crore 2 agütsüogo. Kohima Smart City atema Wapcos ya Project Management Committee (PMC) ama October 10, 2018 nü sen crore 10.19 atema shimtet aser contract tezüngzüktep ya November 22, 2018 nung agi, ta Meyase-i ashi.
Paisa ashiba agi, smart city mission nükjidong ya rongsenkettsüng renlokdaktsütsü aser nüburtem libaliru tajungba kümdaktsütsü asoshi tesemtem renlokdakja aser tajangzük tajung ngutettsü asoshi technology amshia inyakbatem lir.
Jila nung nütsüng tali renloka oaka litettsü asoshi yimti temeket nung tesem tasen (Greenfields) mesemtettsü aser kiojen den maparen tajungba kümdaktsütsü asoshi technology balala amshitsü, ta paisa ashi.
“Iba ama terenlok ajanga nisung taküm libaliru jenjang tajungba kümdaktsütsü, mapa tali adoktsü aser rongsen tali renlokba ajanga makamaiter aser timtemtemer jenjang tajungba akumtsü,” ta Administrator-i ashi.
Smart City Mission Guidelines nung aliba ama KSCDL atema Special Purpose Vehicle (SPV) ya March 9, 2017 nung tenzük. SPV ajanga smart city development mapatem atema sentong yanglua agizüktsü, senotsü agütsütsü, mapa inyaktsü, achaayangtsü aser asadangtsü, ta paisa ashi.
Smart City atema project tenet approve süa lir. Kohima tepor tajungba kümdaktsütsü (phase 1) atema iba project ya sen cr. 10.58 jenjang nung tang teinyakdak lir.
Old NST nung multilevel parking keta yanglutsü atema sen crore 28.79 lemzüktsü. Iba ki nung office den ground level nung bus bays trok keta alitsü aser floor ponguprong shia nung gari 15 anena yutettsüsa yanglutsü.
Old Medical Directorate nunga sen crore 31.21 jenjang multilevel parking keta yanglutsü.
Old Assembly Secretariat (Phase-1) yanglushitsü asoshi sen crore 4.51 aser Kohima Smart City aser KMC office atema sen crore 1.32 lemzüktsüogo.
Meyase-isa ashiba agi, sen crore 36.22 jenjang Cultural Hall Kohima atema DPR agizüka lir aser Kohima nung sen crore 4 jenjang Wi-Fi inoktsü project agizükogo.