Kohima, November 26 (TYO) : Kohima kübok colony aser ward balala tobur jungdaktsütsü atema Forest, Environment & Climate Change Minister, Dr Neikiesalie Nicky Kire-i anir mapa inyaktsü tenzükogo.
Tawa Kohima District Planning & Development Board (DPDB) senden nung nangzükba ama Minister Dr. Nicky-i colony aser ward tem nung ‘colours aser painting materials’ agütsü aser mapaji Panchayat temi pei pei colony/ward nung alirtem den yaritepa inyaker.
Iba dak sendakba nung colony karibo anogo ishika tejaklen nungi mapa tenzük aser tanüngbatemi tanü nungi mapa inyaktsü tenzükogo.
Honibarnü Minister Dr. Nicky-i colony aser ward tem sema senzü aser iba mapang pai nübortem dang Kohima jila tali tobur tajungba kümdaktsütsü atema tayongzükba agütsü.
Kohima tobur jungdaktsütsü atema mapa inyaker added by asungba on
View all posts by asungba →
You must be logged in to post a comment Login