Kohima Town Club puri sangdonger

Kohima, Aug. 28 (TYO) : Kohima Town Club (KTC) puri KTC Cup 2017 September 1 nungi 9 tashi Kohima local ground nung asayatsü ta sangdongogo.
Kohima Football League nung tang tasayadak telok ti prongla iba asayamung nung shilem agitsü aser iba ya knockout yimya nung asayatsü. KTC purisa ashiba agi, club shirnoki Loan nung asayartem bener aruner parnoki kecha tenokdangba ka melei asayar kwi bener aruner arutettsü. Ajisüaka asaya ka nung loan asayar parnok asem dang asayatettsü.
Loan nung asayar bener aruba tem züngoksemtsü atema tatembangbuba anogoji August 31 asütsü. Kasa sangdong ajangasa ashiba agi, KTC Cup 2017 nungbo club tem nem 10% ticket commission magütsütsü.
Iba dak sendakba nung osang tali tajungba nung metetnera KTC züngsemtem den tongteprateptsü asoshi asayamung ayongertemi metetdaktsü.