Kohima, Feb. 25 (TYO) : Kohima town nung nisung kari lanur telongjem tentettsü merangba osang angashir, anungji ibaji metentettsüla ta Kohima Village Youth Organisation (KVYO) sangdong ka ajanga metetdaktsüogo. Kohima town nung lanur telongjem tentettsü merangbaji KVYO anema asütsü ta parnokisa metetdaktsü.
Kohima yim ya anülulentip tsütsü Phesama/Pfuchama den arr, anülulen Jotsoma/Mezoma den arr, anüdoklen Chakhabama/Chedema/Rusoma den arr aser anüdoklentip tsütsü Merema/Tsiesema den arr, anungji iba telongzük kübok aliba lushijibo Kohima nunger meyong, anungji KVYO kübok asütsü ta parnokisa metetdaktsü.
Tang tashi nung kiyong aser mepu balala nung tenteta aliba lanur telongjemtemji KVYO kübok lir, anungji iba tema lanur telongjem tentettsü memelar ta parnokisa metetdaktsü.
You must be logged in to post a comment Login