Kohima Traffic Police-i metetdaktsür

Dimapur, Yimpoksüi (November) 30 (TYO): Phesama Police check gate anasa culvert yangluba ajanga Kohima len nungi Southern Angami tesemleni aoba gari tila ajak Police New Reserve ajanga Phesama Police check gate leni aotsü metetdaktsü.
Maneni, Southern Angami tesem nungi Kohima jilai aruba gari ajak akhi lenmangleni arutsü metetdaktsür ta PRO Kohima Police-i ashi.
Kohima Traffic Police-i temalen agüja aliba traffic advisory timi inyaktettsü atema public aser gari amshirtem ajaki tashi angatsü mepishir, ta Kohima Police-isa metetdaktsü.