Kohima VDB Union-i sorkar dang DRDA pur nem itasen agutsütsü mepishir

Kohima, Tsüklai/February 22 (TYO): District Rural Development Agency (DRDA) Kohima pur nem tesüiba ita 11 tashi itasen magutsüba ajanga parnoki DRDA office shibangtsüsa kümogo, iba atemaji Kohima District VDB Union-ia DRDA staff tem den sasaba lemsateper, ta General Secretary Kohima District VDB Union, John Kath-i sangdong ka nung metetdaktsü.
“Parnoki longkak aitba ajanga district nung VDBs inyaksangshi-a kongshiogo. Anungji Union-i state sorkar dang tekaratiba nung DRDA staff tem nem agutsütsü aliba itasenji agujang ta mepishir. Ibaji ajanga lenla ajak nung terenlok alitsü asoshi parnoki VDBs tajungtiba nung tenzüktettsü,” ta kasa sangdong nung shia lir.