Kohima Village-i arishi küm 80 den temapurtem tushi

Kohima, April 30 (TYO) : ‘Friends of 80+’ 11 buba Foundation Day nung Kohima yimtsüngi tain nisung 167 nem tetushi agütsü aser ano parnok asoshi angati medical check ka agi.
Friends of 80+ ya lanurtemi tentetba network ka lir aser iba telok yagi lokti nung tantsür tamburtem akhümtsübua tetushi agütsür.
Kohima yimtsüng ya yimtsüng tulutiba ta tetshir aser iba yimtsüng nung arishi küm 80 den temapur parnok 167 lir.
Tantsür tamburtemji loktiliba nung sentilungtem ama lir aser parnok ajanga lokti nung yimjung aser tesünep lidaktsür, ta tanü sentong nung tongti tesemdanger Youth Resources & Sports, State Lotteries Parliamentary Secretary, Khriehu Liezietsu-i ashi.
Lanu putui taintemji meinprong ama masü saka temoatsü aser rongsen ama angateta tushitsüla, ta paisa tayongzükba agütsü.
Liezietsu-isa ‘Friends of 80+’ nem mapa tajung atema tenüngsang agütsü.
Tanü sentong nung Kohima Village Council, Kohima Village Gazetted Officers Association aser Kohima Village Students’ Union nungertemi tantsür 109 aser tambur 58 nem sempet lema agütsü.
Anogomung nung Kohima Village Council-i taintem nem chiyungtsü chidaktsü aser Kohima Village Doctors Association-i angati medical check up ji agi.