Kohima Volleyball championship: Telok 21-i shilem agitsü

Kohima, November 03 (TYO): Kohima kübok Local Ground nung tan November ita 7-8 nü tashi asayatsü ayongba 4 buba Kohima District Volleyball asayamong nung tebur telok 16 aser tetsür telok 5 densema, ajak agi asayatsü telok 21 tashi shilem agitsü renema lir.
Iba volleyball asayamong ya Kohima District Volleyball Association (KDVA)-i ‘Transcending through Sports’ omen nung ajemdaker ayongogo.
Tan asayamong tebur telok telemsa Group A nung defending champions, Kiruphema Youth Organization (KYO), Apex Club Kezo town, Kuthotsu Club Khonoma aser Kiruphema Students Union (KSU); Group B nung Phetsukikou Club Khonoma,Tama Youth Society Mima, Shurho Mountain Club aser Phezoucha Boys Club Kohima; Group C nung 2015 runner-up, Prancers Club Phesama, Kezieke Youth Organization, Chalieutsu United Boys Khonoma aser Titan Club Nerhema aser Group D nung Super Spikers Club Kohima, Daklane Youth Social Organization, Mima Youth Organization aser Zenith Club Kezo Town teloktem densema lir.
Tetsür shilem nung Tiema-Khe Kidima, Zheri Youth Society, Fusion Club Kezieke, Phetsukikou Club Khonoma aser Mystics Club Naga Hospital Colony teloktem densema lir.
Ano külen, tan November ita 6 anepdang 10:00 ako nungi tenzüka Kohima Local Ground merüktettsü sentong nung KDVA züngsem aser tan asayamong kübok luden ajunga nungi züngsemtemi shilem agitsü tayongzükba olen ka tayongeri metetdaktsüogo.