Kohli nem ‘Polly Umrigar’ aser R Ashwin nem ‘Dilip Sardesai’ sempet agütsütsü

New Delhi, March 01 (Agencies): India nunger cricket asayar telok nung captain, Virat Kohli nem ‘Polly Umrigar Award’ agütsütsü.
Iba sempet ya Bengaluru nung March 8 nung agitsü aliba Board of Control for Cricket in India (BCCI) indang ‘Annual Awards’ sentong nung agütsütsü.
Ano Ravinchandran Ashwin nem ‘Dilip Sardesai Award’ agütsütsü asoshi shimtetogo.
Ashwin ya International Cricket Council (ICC) ‘Test bowler’ rongnung mezüngbuba jenjang nung lir aser ‘All-rounder’ nunga temaba jenjang nung lir.
Kohli asoshi ‘Polly Umrigar Award’ ya tang mezüng angur masü. Pai 2011-12 aser 2014-15 nunga iba sempet ya ngua lir aser Kohli ya India nunger cricket asayar rongnung iba sempet asemben tashi angur mezüngbuba akümer.
Ashwin-ia ‘Dilip Sardesai Award’ ya tanaben angur asütsü. Pai iba sempet ya 2011 küm mezüng ngua liasü.
BCCI Annual Awards Committee nung ya N. Ram, Ramachandra Guha aser Diana Edulji nungertem lir.
Iba sentong nung Rajinder Goel aser Padmakar Shivalikar nem ‘Col. CK Nayudu Lifetime Achievement Award’ agütsütsü.
Madhya Pradesh nungi 2015-16 Ranji Trophy nung ‘best all-rounder’ angusang, Jalaj Saxena nem ‘Lala Amarnath Award’ agütsütsü. Taoba Ranji Trophy nung runs timba angur, Mumbai nungi, Sheryas Iyer nem ‘Madhavrao Scindra Award’ agütsütsü aser Nitin Menon nem India telongzük indang ‘Best Umpire’ sempet agütsütsü.