Koinonia Prayer Centre nung Nagaland Orphanage Bible camp agi

Kohima, January 24 (TYO) : Koinonia Prayer Centre nung anogo asemnü tashi Nagaland Orphanage Bible Camp agiyonga arur Deobarnü tembangogo.
Iba sentong ya River of Soul Saving Ministry ajanga ayongzük aser tongti o jembirtemji, Rev. Zotuo Kiewhuo, senior pastor, Koinonia Baptist Church Kohima, Pastor Vezokho Vero, Naga Shisha Hoho Kohima, Pastor Letuolie Pienyii, Christian Revival Church, Pezielietsie Kohima aser Pastor Khriesavituo Belho, Christian Revival Church, Keviphe nungertem liasü.
Iba Camp nung onük jembibatem rongnung “Faith and prayer,” “Repentance and salvation,” “Sin,” “Baptism of the Holy Spirit,” “Temptation and deliverance,” aser “Gifts and fruits of the Holy spirit” nunger densema liasü.
Tanurtem iba camp nung adenba sülen parnokji lajar masü ta tangatetba nguogo. Parnokji  Yisu Khrista meyong aser parnok tebuji Tsüngrem ta tanurtemi amanger, ta camp tembangba sülen Rev. Zotuo Kiewhuo-i osangbener dang ashi.
“Iba camp nung adenba ajanga parnoki parnok tarutsü anogotem tajung lir aser parnok tangar dang nungi balaka masü ta angatetogo” ta Rev. Kiewhuo-isa ashi.
Rev. Kiewhuo-isa nübortem dang ibala mesükba orphanage Bible camp nung yariteptsü ayongzük.
River of Soul Saving Ministry founder-cum-chairman, Razou Angami-i ashiba agi, Kohima, Peren, Dimapur, Ghaspani, Phek aser Manipur kübok Mao gate nungi lajar 113 tashi iba camp nung aden.
Tang nungi tenzüka iba Orphanage Bible camp ya küm ana nung khen ayongzüka alitsü, ta Razou Angami-isa metetdaktsü.
Iba sentong nung Hope Ministry janga kentenba nung shilem agi aser Neisapi Ltu-i camp director aser Menuosielie Usou-i secretary ama yaritep.